Azerbaijan Gender Information Center

Hər hansı üçün toplaşan azərbaycanlı qadınlar, başqa qadınlar kimi tez-tez öz problemlərini müzakirə edirlər. Çox təbii ki, günün ən vacib-gündəlik problemləri və onların aradan qaldırılması yolları haqqında söhbət gedir.

Belə görüşlərin birində Gürcüstanda azərbaycanlı qadınları birləşdirən təşkilatın yaradılması ideyası ortaya çıxdı. Belə olduğu təqdirdə, öz hüquqlarını asan müdafiə etmək, özü haqqında səslə bəyan etmək və əmin olmaq olardı ki, onu şübhəsiz eşidərlər. Necə deyərlər, deyildiyi kimi də edildi. Beləliklə, 2000-ci ilin noyabr ayında Gürcüstanda Azərbaycanlı Qadınlar İttifaqı yarandı ki, onun sədri Leyla Süleymanova oldu.

Leyla - ADU-nun şərqşünaslıq fakültəsinin və Tunis Canlı Dillər İnstitutunun məzunudur. O, şərqşünasdır. 1996-cı ildən Gürcüstan Azərbaycanlıları Mədəniyyət Mərkəzinin elmi işçisidir.

Təşkilatın əsas məqsədləri bunlardır: azərbaycanlı qadınların Gürcüstan cəmiyyətinə inteqrasiyası, onları dövlətin ictimai-siyasi həyatında rolunu, qərarların qəbuledilməsi və vətəndaş cəmiyyətin quruculuğunda iştirakı prosesinə yönəltmək.

Azərbaycanlı Qadınlar İttifaqı bütün qadın təşkilatları, Gürcüstanda olduğu kimi, onun xaricində də digər QHT-ı ilə əməkdaşlığını möhkəmlətmək, azərbaycan və gürcü xalqları arasında humanist və harmonik münasibətlərin möhkəmləndirilməsinə yardım göstərmək, cinsi əlamətlərinə görə qadınların diskriminasiyasına maneçilik törətmək kimi hallara öz münasibətini bildirir.

Bunlara üstünlük verilməsi təsadüfi deyildir. Təşkilatın azərbaycanlı qadınların yığcam yaşadığı yerlərdə keçirilmiş bir sıra monitorinq və problemlərin tədqiqatları aydın göstərmişdir ki, qadınlar sosial planda daha fəaldırlar, onlar daha savadlı olsalar da, lakin bununla bərabər, ictimai fəaliyyətlə məşğul ola bilmirlər. Səbəbləri müxtəlifdir: ailənin buna mənfi münasibəti və ya qadının vaxtının böyük hissəsini alan məişət çətinlikləridir.

Lakin vəziyyət o qədər də çıxılmaz deyildir. Tbilisidə də, rayonlarda da fəal qadınların böyük potensialı mövcuddur. Onlar üçün ictimai-siyasi və mədəni həyatda iştirak etmək üçün platforma vacibdir.

L.Süleymanova bildirdi: - Yaddan çıxarmaq lazım deyil ki, "tək əldən səs çıxmaz". Sıx birləşən qadınlar öz hüquqları üçün müvəffəqiyyətlə mübarizə apara bilərlər. Bizim bilavasitə iştirakımız olmamış heç kəs bizim yerimizə problemlərimizi həll edə bilməz. Təşkilatımız yaşadığımız cəmiyyət üçün əlverişli olan fəaliyyət və əməkdaşlıq proqramı işləyib hazırlayır. Heç kəsdən gizli deyildir ki, mentalitet və cəmiyyətmizdəki mövcud olan stereotipləri nəzərə alsaq qadın təşkilatlarına münasibət, sadəcə desək, skeptikdir.

İttifaq öz fəaliyyətinə mədəni-xeyriyyə tədbirləri ilə başlamışdır. Təşkilatın köməyi ilə ehtiyacı olan azərbaycanlı ailələrin uşaqlarına humanitar yardım göstərilmiş, tənha və yaşlı adamlara dərmanlar verilmişdir. Təşkilatın nəzdində Gürcüstanda yeganə olan azərbaycan "Ulduz" folklor rəqs ansamblı yaradılmışdır ki, qısa müddət ərzində Gürcüstanda və onun xaricində ən müxtəlif festivallarda, müsabiqə və konsertlərdə iştirak etmişdir. Türkiyənin Erbaa şəhərində keçən folklor festivalı buna misal ola bilər. Bu festivalda Gürcüstan azərbaycanlılarının mədəniyyəti ilk dəfə nümayiş etdirilmişdir.

Bundan başqa, İttifaq hər il Novruz bahar bayramını geniş miqyasda qeyd edir. Bu bayram mart ayı ərzində çərşənbə axşamları qeyd edilir. Hər bir çərşənbə axşamına həyatın 4 ünsüründən biri - su, od, torpaq və hava təsadüf edir.

L.Süleymanova deyir: - Bu bayramın kökləri Zərdüştə, "Avestaya" gedib çıxır. Elə buna görə də yeni ilin daxil olmasını (fars dilindən tərcüməsi "Novruz" - "yeni gün" deməkdir) yalnız azərbaycanlılar deyil, gürcülər, asuriyalılar, farslar, türklər, Orta Asiya xalqları, yəni zərdüştlük yayılmış bölgələr qeyd edirlər. Ənənəyə görə belə hesab edilir ki, Novruz Xeyirlə Şərin mübarizəsini göstərir. Bu ad altında Baharla Qış nəzərdə tutulur ki,

Xeyrin Şər üzərində qələbəsi zəruridir. Xalqda belə bir inam var ki, Novruzla başlanan hər bir yeni iş uğurlu olur.

Bundan başqa, təşkilatın üzvləri müxtəlif konfrans və seminarlarda iştirak edir. İttifaq tərəfindən azərbaycanlıların yığcam yaşadığı bölgələrdə çoxlu tədbirlər hazırlanır və xüsusi layihələr həyata keçirilir. Belə tədbirlərdən biri, məsələn Marneuli r-da "Qadınlara informasiya yardımı Mərkəzini" göstərmək olar. Layihənin komponentlərindən biri qadınların və uşaqların zorakılığdan müdafiə komitəsidir ki, onun xidmətlərindən qadınlar kimi, kişilər də istifadə edə bilərlər. Layihə 10 aylığa nəzərdə tutulmuş və mərkəzin nəzdində "hüquq məsləhətxanası" fəaliyyət göstərəcəkdir.

L.Süleymanova aydınlaşdırır: - Mərkəzin yaradılması bölgə ilə paytaxt arasında əlaqələndirmə körpüsünə çevriləcəkdir. Mərkəzin informasiya bazasında Gürcüstanda qadın hərəkatı haqqında istənilən informasiya olacaqdır. Beləliklə biz rayonun qadınlarına layihə və proqramlarda, ölkədə baş verən proseslərdə iştirak etmək imkanı veririk.

Elə buradaca biz digər layihə - "Marneuli r-da QHT-nın inkişaf Mərkəzi" haqqında danışmaq istərdik. Gürcü dilini öyrənmək,bilgisayarda işləmək və mülki təhsil əsaslarına yiyələnmək istəyənlərə də imkan yaradılır. Mərkəzin müdavimləri üçün hüquqi kitabxananın yaradılması da nəzərdə tutulur.

L.Süleymanova qeyd edir: - "Heç kəsə gizli deyil ki, bu gün yığcam halda etnik azlıqlar yaşayan yerlərdə ölkənin dövlət dilinin öyrənilməsi məsələsi daha ciddi tutur. Mərkəzin periferiyaları praktiki olaraq təcrid olunması informasiya qıtlığı, ixtisaslı gürcü dili müəllimlərinin azlığı və bir çox amillər bu problemin həllinə əngəl yaradır. Rayonda orta təhsil məktəblərinin şagirdləri üçün dövlət dilinin öyrənilməsi üzrə Dövlət Proqramı həyata keçirilməsinə baxmayaraq, daha yaşlı vətəndaşlar üçün bu məsələ həll edilməmiş qalır. Bizim layihəmiz məhz həmin yaşlı əhali üçün nəzərdə tutulmuşdur ki, buraya 18 yaşdan yuxarı adamlar daxildir. Göründüyü kimi, bu yaş kateqoriyası təsadüfi deyildir. Leyla xanım daha sonra yığcam halda etnik azərbaycanlılar yaşayan r-da fəal işləməyi və habelə paytaxtda yaşayan azərbaycanlı qadınlar üçün müxtəlif tədbirlər keçirməyi də nəzərdə tutur.

Gənclik Kavkaz Ekspresi, iyun-iyul 2003

AXTARIŞ

Abunə

Tək əldən səs çixmaz