"GÖYÇƏ GÖLÜ" QADINLAR CƏMİYYƏTİ
İsmayılova Zeynəb Ələşrəf qızı. Rəssamlıq və jurnalistika üzrə təhsili var. 1973-cü ildən "Kirpi" jurnalının
əməkdaşıdır. "Tanıtım" qəzetində rəssam və jurnalist kimi çıxış edir.
Həmin qəzetin vasitəsilə "Pöhrələr" səhifəsində 5-17 yaşlı uşaqlar
arasında rəssamlıq qabiliyyəti olanları üzə çıxarmaq sahəsində böyük iş görür.
Dəfələrlə fərdi müəllif sərgisi açılıb. Beynəlxalq və Respublika sərgilərinin
iştirakçısıdır. Diplom və mükafatlara layiq görülüb.
"Göyçə Gölü" Qadınlar Cəmiyyəti 1999-cu ilin mayında təsis
olunmuşdur. Həmin ilin dekabrında
Ədliyyə Nazirliyində qeydiyyata alınmışdır. Azərbaycan qadınlarının hüququnu
müdafiə edir, onların fəaliyyətini vətəndaş cəmiyyətinin qurulmasına yönəldir.
Cəmiyyətin sağlamlaşması üçün qadınların maariflənməsinə, ictimai həyatda fəallığının
artmasına çalışır. Təşkilat ata-baba torpaqlarından didərgin düşmüş
azərbaycanlı qadınların sosial problemlərini həll etmək, onların bu gün
Ermənistan adlanan Qərbi Azərbaycandakı yurd-yuvalarını unutmalarına imkan
verməmək, fəaliyyətlərini Azərbaycanın inkişafına yönəltmək məqsədi daşıyır.
Cəmiyyət həmçinin dünyanın hər yerinə yayılmış Qərbi Azərbaycan qadınlarının
əlaqələrini təmin edir, onların tarixi, ədəbiyyatı, milli-mənəvi dəyərləri,
adət-ənənələri, fəlsəfi dünyabaxışını, həyat tərzini öyrənmək sahəsində elm
adamlarının fəaliyyətini əlaqələndirir. Öz ideyalarını təbliğ etmək üçün
cəmiyyət seminarlar, konfranslar, ədəbi-bədii gecələr keçirir. Qərbi Azərbaycan
türklərinin ədəbiyyat və folklorundan ibarət kitabxana və diyarşünaslıq muzeyi
yaratmaq fikrindədir.
Səfil həyat tərzi keçirən uşaqları normal həyata qaytarmaq tədbirləri
barədə polis sahə müvəkkilləri ilə birlikdə dəyirmi stol arxasında müzakirələr
keçirilir;
Dərnəgül qəsəbəsində məskunlaşmış qaçqın qadınlarla hüquqşünas
söhbətləri aparılır;
Qadınları öz hüquq və vəzifələri haqda məlumatlandırmaq, suallara
cavab verməklə onlara yardım göstərilir;
"Qadın və milli-mənəvi dəyərlərimiz". Dövlət başçısının
məlum qərarına qadınların münasibəti barədə rəy sorğusu keçirilib.
İSAR - Azərbaycan Beynəlxalq qurumunun dəstəyilə yetim və kimsəsiz
uşaqlar üçün altı aylıq rəssamlıq kursları keçirilmişdir;
Xətai rayonundakı 3 saylı uşaq evində rəssamlıq qabiliyyəti olan 20
nəfərə 6 aylıq rəssamlıq kursu keçirilmişdir; (İSAR - Azərbaycan maliyyə
dəstəyilə);
Bərdədəki çadır şəhərciyinin uşaqları ilə goruş keçirilmiş, uşaqlara
hədiyyə paylanmışdır.
Ahıllar günündə qocalara baş çəkilir. Xeyriyyə süfrəsi açılır.
Şifahi xalq yaradıcılığı nümunələrini toplamaqla məşgul olur.
Ünvan: Əhmədli, Şıxlinskiy küç. 5, m. 8. Bakı, AZ1149, Azərbaycan. Tel.: (99412) 5799705, faks: (99412) 4972108 E-mail:
nabat-qoyca@azeri.com
XIX əsrin sonu - XX əsrin əvvəllərində Azərbaycanda qadınların ictimai fəallığının gözəl nümunələri mövcuddur. Azərbaycanda qadın fəallığı, öz yolunu maarifçilik və xeyriyyəçilik ideyalarının yayılmasından başlayaraq, əlbəttə, hər bir ölkədə mədəni, dini, milli ənənələrlə formalaşdırılan spesifik cizgilərinə malik idi. Toplanmış informasiya, şübhəsiz, qadın və gender problemləri sahəsində işləyən müəllimlər, tarixçilər və tədqiqatçılar üçün yardımçı material olacaq. Onlar bu nadir sənədlərdən tarixi istinadlar, vizual və şifahi şəhadət şəklində istifadə etmək imkanı əldə edəcəklər.
Azərbaycan Prezidenti İ.Əliyevin təşəbbüsü ilə 2006-cı il fevralın 6-da Ailə, Qadın və Uşaq problemləri üzrə Dövlət Komitəsi yaradılmışdır. Dövlət Komitəsinin sədri Bakı Dövlət Universitetinin professoru, siyasət elmləri doktoru Hicran Hüseynovadır.